Mulberry Insurance Brokers - Complaints Procedure-Malti

A3 Towers, Block A3, Level 13, Triq Il-Kanonku Karm M. Bologna, Paola. PLA 1560. Malta

+356 2099 7391

info@mulberrybrokers.com

Complaints Procedure-Malti

Kif taghmel Ilment

Mulberry Insurance Brokers Limited (“MIBL” / il-“Kumpannija”) hija impenjata li tipprovdi l-ogħla livell possibbli ta’ servizz professjonali lill-klijenti tagħha. Madanakollu, jekk il-klijent ma jkunx sodisfatt bil-livell tas-servizz ipprovdut, il-Kumpannija ħolqot proċedura dwar kif ilmenti bħal dawn jistgħu jiġu trattati.

Kif nittrattaw l-ilment tiegħek?

MIBL jittrattaw l-ilmenti b’attitudni pożittiva għax il-Kumpannija tirrikonoxxi li lment jista’ juri xi nuqqasijiet partikolari fis-servizzi offruti li jistħoqqilhom titjib potenzjali fis-servizzi jew fil-proċeduri interni. Għaldaqstant, jekk klijent iħoss li MIBL naqset milli twettaq il-wegħda tagħha li tipprovdi servizz eċċellenti, il-klijent huwa mitlub jaqsam il-feedback tiegħu mal-Kumpannija.

Kif tagħmel ilment?

Il-klijenti għandhom l-ewwel jitkellmu mal-persuna jew id-dipartiment li pprovda is-servizz in kwestjoni sabiex iressqu l-ilment jew it-tħassib tagħhom. Jekk il-kwistjoni ma tistax tiġi solvuta immedjatament, il-Kumpannija tieħu nota u tirreġistra t-tħassib tagħhom. Il-Kumpannija hija impenjata li terġa’ lura għand il-klijent b’risposta fi żmien tlett (3) ijiem.Jekk il-klijent xorta jibqa’ mhux sodisfatt, għandu jressaq l-ilment tiegħu bil-miktub, indirizzat lill-Managing Director, jagħti d-dettalji tal-ilment tiegħu u kif iħoss li għandu jiġi solvut.

Il-klijenti jistgħu iressqu l-ilment tagħhom billi jibgħatu l-ilment tagħhom lill-:

Mr. Ivan V. Buttigieg

Managing Director

Mulberry Insurance Brokers
A3 Towers, Block A3, Level 13,
Triq Il-Kanonku Karm M. Bologna,
Paola, PLA 1560, Malta.
T: +356 2099 7391

Ghafas hawn biex tibgħat email
Ghafas hawn biex tniżżel il-proċedura tal-ilmenti tal-klijenti tal-Kumpanija bil-Malti.

L-ilmenti bil-miktub jiġu ikkonfermati hekk kif jiġu riċevuti. Il-Kumpannija hija marbuta li tipprovdi tweġiba bil-miktub mhux aktar tard minn ħmistax (15) -il jum tax-xogħol minn meta l-ilment ikun ġie rreġistrat u tinkludi risposta dwar l-eżitu tal-ilment imrerssaq quddiem il-Kumpannija. F’każ li ma jkunx possibbli li tingħata risposta finali f’dan il-perjodu, MIBL ser tinforma lill-klijent bid-dewmien u bil-proċess u l-azzjonijiet ippjanati biex tingħata risposta kemm jista’ jkun malajr għall-ilment in kwestjoni.

Jekk il-klijent jibqa’ mhux sodisfatt bil-mod kif MIBL trattat l-ilment tiegħu jew bit-tweġiba li ngħatat, il-klijent jista’ jressaq l-ilment tiegħu quddiem l-Uffiċċju tal-Arbitru għas-Servizzi Finanzjarji, li jinsab ġewwa N/S f’Regional Road, Msida, MSD 1920, Malta, jew iċempel fuq Freephone 8007 2366 jew (+356) 21 249 245.